De Ridderschop von dat Hertogdom Bremen is en Körperschop von dat apentliche Recht in Neddersassen. Dor höört de Besitters von all de Riddergöder in dat ole Hertogdom Bremen-Veern to.
De Ridderschop von dat Hertogdom Bremen kummt an’n 6. Dezember 1397 toeerst in de Oorkunnen vör. Von de Tied an hett de Ridderschop ehr Landdaag in Basdaal afhollen. De Ridderschop hett de Intressen von de Ridders gegenöver den Landsherrn, also de Arzbischöp von Bremen, vertreden.
1683 hett de Ridderschop von König Karl XI. von Sweden dat Klooster Niewohl kregen, dat de Ridderschop denn as Konvent inricht hett. Dat Klooster höört ok vondaag noch de Ridderschop to.
Vondaag is de Ridderschop schuult dör den § 72 von de Verfaten von Neddersassen un as Körperschop von dat apentliche Recht Deel von de Landschop von de Hertogdömer Bremen un Veern.
De Ridderschop is Dreger von dat Ridderschopliche Kreditinstitut Stood.
Dat Archiv von de Ridderschop is in de tohop mit den Neddersassischen Landesarchiv in Stood, Am Staatsarchiv 1 ünnerbröcht un bargt en Hümpel Akten ut de Tied von 1648 af an ünner annern von dat Amt Himmelpoorten, dat Archiv von de Familie Marschalck von Bachtenbrock, dat Good Daudiek un von de Landschopliche Brandkass.
Präsidenten
1576–23. März 1580: Borchert von Swonewebel 15. November 1580–1596: Lüder Clüver 1. Juli 1607–1612: Henneke von Brobargen 1612–1623: Beernd von Weersbe 20. Dezember 1623–1652: Melchior von Düring 2. Oktober 1652–1666: Johann Marschalck 27. Juli 1666–26. November 1671: Johann Hinnerk von Brobargen 1672–1682: Gördt von de Lieth 1682–6. April 1696: Jürgen Marschalck 1696–1715: Jürgen von de Lieth 1715–1728: Alexander Schulte 1728–12. Dezember 1732: Arp von Düring 1733–5. Dezember 1751: Arnd von Schade 1752–28. Dezember 1766: Johann Christian von Düring 23. Juni 1767–1803: Caspar Ludwig Schulte 1804–1808: Otto Detlev von Marschalck 1809–1816: Engelbert Johann von Marschalck 1817–1819: Diederich Christian Arnold von Zesterfleth 1820- Juli 1823 von Plate 1823-1849: Wilhelm Otto von der Decken 1849-1852: Claus von der Decken 1852-1855: Friedrich von der Decken 1855–Okt. 1861: George Ayhsford Burchard von der Decken Febr. 1862–1881: Friedrich von der Decken April 1881 - Juli 1908: Adolph Nicolaus von Wersebe Juli 1908 - April 1919 Adolf Benedix Christian Georg von der Decken 1920–1941: Anton Dietrich von Wersebe 1941–1953: Max Marschalck von Bachtenbrock 1953–1962: Herwart von der Decken 1962–1989: Thassilo von de Decken 1989–2001: Herwart von der Decken August 2002–2015: Eduard von Reden-Lütcken 2015–2021: Botho von Schwarzkopf 2022- : Georg von der Decken
Kategorie:Neddersassen