De evangeelsch-luthersche Karkenkreis Oosterholt-Scharmbeek is en Karkenkreis in Neddersassen. He höört bi’t Sprengel Stood von de Evangeelsch-luthersche Landskark Hannover. To’n Karkenkreis Oosterholt-Scharmbeek höört üm un bi 60.000 Liddmaten in 20 Kaspels. Supperndentin is siet 2004 Jutta Rühlemann. De Karkenkreis hett sien Seet in Oosterholt-Scharmbeek.
Geografie
De Karkenkreis Oosterholt-Scharmbeek liggt in’n Noorden von Neddersassen. Dat Rebeed höört to’n Landkreis Oosterholt.
De Karkenkreis Oosterholt-Scharmbeek grenzt in’n Noordoosten an’n Karkenkreis Bremervöör-Zeven, in’n Süüdoosten an’n Karkenkreis Rodenborg un den Karkenkreis Veern, in’n Süüdwesten an dat Rebeed von de Breemsche Evangeelsche Kark, in’n Westen an’n Karkenkreis Wersermasch von de Evangeelsch-luthersche Kark in Ollnborg un in’n Noordwesten an’n Karkenkreis Wersermünn.
Historie
De Karkenkreis hett sik 1948 billt, as de ole Supperndentur von’n Karkenkreis Lesum na Oosterholt leggt worrn is. An’n 1. Januar 1949 sünd de Gemenen Aumund, Blomendal, Grohn un Lesum na de Breemsche Evangeelsche Kark wesselt. To’n Karkenkreis Oosterholt hebbt denn blots noch de Kaspels Brook, Hambargen, Meyenborg, Oosterholt, Hu’e, Scharmbeek un Swonewebel tohöört.
An’n 1. Januar 1970 is de Karkenkreis Leendaal mit’n Karkenkreis Oosterholt tohoopleggt worrn.
Karkengemenen in’n Karkenkreis Oosterholt-Scharmbeek
Nikolai-Kark in Brook Kark in Garlst Findörp-Kark in Grasbarg Cosmae-un-Damiani-Kark in Hambargen Johannes-Kark in Hu’e Kark in Huttenbusch Lambertus-Kark in Karktimk Marien-Kark in Leendaal Martins-Kark in Leendaal Luciae-Kark in Meyenborg Marien-Kark in Oosterholt-Scharmbeek Willehadi-Kark in Oosterholt-Scharmbeek Emmaus-Kark in Pennigbüttel Fredenskark in Scharmbeekstotel Jürgen-Kark in St. Jürgen Johannes-Kark in Swonewebel Martin-Luther-Kark in Tarmst Ansgari-Kark in Wallhöben Petri-Kark in Wilst Zion-Kark in Worpsweed
Supperndenten
-31. Dezember 2003: Heiko Janssen 2004-: Jutta Rühlemann
Weblenken
Websteed von’n Karkenkreis (hoochdüütsch)
Kategorie:Karkenkreis Kategorie:Landkreis Oosterholt Kategorie:Evangeelsch-luthersch