Maurice Harold Macmillan (Belgravia, 10 Februarie 1894 – Chelwood Gate, 29 Desember 1986) was ’n Britse staatsman en eerste minister.
duimnael|links|Dr. Hendrik Verwoerd verwelkom sy Britse eweknie, Harold Macmillan, in Suid-Afrika op die D.F. Malanlughawe in Kaapstad. Macmillan het 'n opskudding veroorsaak met sy "Winde van Verandering"-toespraak. Macmillan het aan Oxford studeer, maar sy studies onderbreek ten einde diens te doen in die Britse leër tydens die Eerste Wêreldoorlog. Hy het die rang van kaptein bereik en onder meer aan die Slag van die Somme deelgeneem. Ná die oorlog tree hy in diens by die uitgewery MacMillan Publishers, wat sy oupa opgerig het en waar hy direkteur was van 1920 tot 1940. Uit sy huwelik met lady Dorothy Cavendish is vier kinders gebore. Macmillan was 'n lid van die Konserwatiewe Party gewees en is as verteenwoordiger van dié party in 1924 tot lid van die Britse Laerhuis verkies. Hy bly ’n LP tot 1945, maar met ’n onderbreking tussen 1929 en 1931. Hy het vele ekonomiese studies geskryf waarin hy gereeld kritiek uitgespreek het teen die beleid van die Konserwatiewe regering. In 1940 word hy sekretaris van die minister van bevoorrading, in 1942 ondersekretaris van kolonies en in 1945 staatsekretaris van die Lugmag. In 1951 word hy minister van behuising, in 1954 minister van verdediging, in 1955 minister van buitelandse sake en later van finansies.
Op 10 Januarie 1957 volg hy sir Anthony Eden op as premier en word enkele weke later verkies tot partyvoorsitter. Onder sy leiding is die welvaartstaat verder uitgebou en vra sy land lidmaatskap aan van die Europese Ekonomiese Gemeenskap, voorloper van die Europese Unie. Die Verenigde Koninkryk se aansoek is afgekeur deur die toedoen van Frankryk se president Charles de Gaulle. Die Macmillan-regering het gesorg vir dekolonisasie in Afrika en Asië en die Verenigde Koninkryk se kernmag uitgebou. Op 18 Oktober 1963 moes Macmillan bedank weens die Profumo-voorval en sy swak gesondheid. Daarna was hy kanselier van Oxford en vanaf 1984 as lord Stockton lid van die Britse Hoërhuis, waar hy krities was jeens die beleid van eerste minister Margaret Thatcher.
Op 29 Desember 1986 is die eerste graaf van Stockton oorlede in sy plattelandse huis, Birch Grove, aan die rand van die Ashdown-woud by Chelwood Gate in Oos-Sussex. Thatcher het hom ná sy dood geloof as ’n baie groot patriot en gesê dat sy afkeur aan haar verkoop van die “familiesilwer” (staatsbates) nooit tussen hulle gekom het nie.
Verwysings
Belangrike werke deur Macmillan Reconstruction: A Plea for a National Policy. Macmillan, London 1933. The Middle Way. A study of the problem of economic and social progress in a free and democratic society. Macmillan, London 1938 . Winds of Change, 1914–1939. Macmillan, London 1966, . (Outobiografieë). The Blast of War, 1939–1945. Macmillan, London 1967, . (Outobiografieë). Tides of Fortune, 1945–1955. Macmillan, London 1969, . (Outobiografieë). Riding the Storm, 1956–1959. Macmillan, London 1971, . (Outobiografieë). Pointing the Way, 1959–1961. Macmillan, London 1972, . (Outobiografieë). At the End of the Day, 1961–1963. Macmillan, London 1973, . (Outobiografieë). The Past Masters: Politics and Politicians. Macmillan, London 1975, . War Diaries: Politics and War in the Mediterranean, January 1943–May 1945. Macmillan, London 1984, . The Macmillan Diaries. The Cabinet Years 1950–1957. Macmillan, London 2003, . The Macmillan Diaries. Prime Minister and After, 1957–1966. Macmillan, London 2011, .
Bronne 15px Hierdie artikel is vertaal uit die Nederlandse Wikipedia
Simon Ball: The Guardsmen: Harold Macmillan, Three Friends and the World They Made. Harper Perennial, London 2005, . John Campbell: Pistols at Dawn: Two Hundred Years of Political Rivalry from Pitt and Fox to Blair and Brown. Vintage Books, London 2009, , Alistair Horne: Macmillan Volume I: 1894–1956. Macmillan, London 1988, . Alistair Horne: Macmillan Volume II: 1957–1986. Macmillan, London 1989, . Peter Mangold: The Almost Impossible Ally. Harold Macmillan and Charles De Gaulle. IB Tauris, London 2006, . D. R. Thorpe: Supermac – The Life of Harold Macmillan. Chatto & Windus, London 2010, . John Turner: Macmillan (Profiles in Power). Routledge, London 1994, . Charles Williams: Harold Macmillan. Weidenfeld & Nicolson, London 2009, .
Eksterne skakels
Kategorie:Eerste Ministers van die Verenigde Koninkryk Kategorie:Britte in die Eerste Wêreldoorlog Kategorie:Britte in die Tweede Wêreldoorlog Kategorie:Britse ministers Kategorie:Engelse militariste Kategorie:Engelse politici Kategorie:Ministers van Behuising Kategorie:Ministers van Buitelandse Sake Kategorie:Ministers van Finansies Kategorie:Ministers van Verdediging Kategorie:Geboortes in 1894 Kategorie:Sterftes in 1986